من الفكرة اللي في خيالكوا… للصورة اللي بدكوا إياها.
تفاصيل عن الورشات ←
مش لازم تكونوا مصمّمين، ومش لازم يكون عندكوا خبرة سابقة بالذكاء الاصطناعي.
رح نشوف أمثلة، نطبّق سوا، ونفهم كيف نوصل للنتيجة بطريقة واضحة ومرتّبة.
طريقة شغل حقيقية بتستعملوها بعد الورشة، مش معلومات عامة بتنتسى.
عندكوا فكرة واضحة في راسكوا.
بس أوّل ما تحاولوا تطلّعوها بالذكاء الاصطناعي — النتيجة بتكون بعيدة عنها.
الشخصية بتتغيّر من صورة لصورة.
كل مرة إشي مختلف، ومحدا بيعرف إنها نفس الشخصية.
الخلفية مش مثل ما طلبتوا، وتفاصيل بتختفي.
وبتلاقوا حالكوا بتبلّشوا من الصفر كل مرة من جديد.
هون بتبلّش الورشة.
رح نتعلّم نشتغل مع أدوات الذكاء الاصطناعي بطريقة مرتّبة وواضحة — حتى نقدر نحوّل أفكارنا لصور، نعدّلها، ونتحكّم أكتر في النتيجة.
من الفكرة اللي بخيالكوا لحدّ محتوى جاهز للنشر — صورة، حركة، صوت، وشخصية بتحكي.
منبني الصورة من الفكرة: مشهد كامل، شخصية بتضلّ هي هي، وتعديلات بنتحكّم فيها.
منحوّل الصورة لمشهد متحرّك: حركة كاميرا، أفكتات سينمائية، ومشهد نظيف.
منعمل موسيقى وصوت بيلبقوا للمشهد، بدل ما ندوّر على تراك جاهز ما بيزبط.
منخلّي الشخصية تحكي — كلام مطابق لحركة الشفاه، جاهز للتسويق والإعلان.
3 ساعات عملية بنتعلّم فيها نحوّل الأفكار لصور، نعدّلها، ونتحكّم بالنتيجة.
ورشة منفصلة، منشتغل فيها على الفيديو: أفكتات، حركة، تنظيف المشهد ومزامنة الشفاه.
الورشتين سوا. منبلّش من الصورة الثابتة، ومنكمّل لحدّ ما نحوّلها لفيديو — نفس الصور اللي عملتوها بورشة الصور بتصير مشاهد متحرّكة.
لكل حدا بدّه يتعلّم يستخدم الذكاء الاصطناعي لصناعة صور ومحتوى بصري — خصوصًا:
مش لازم تكونوا مصمّمين، ومش لازم يكون عندكوا خبرة سابقة بالذكاء الاصطناعي.
رح نبلّش من الأساس، ونمشي سوا خطوة خطوة.
أنا نورة، بشتغل بمجال صناعة المحتوى البصري باستخدام أدوات الذكاء الاصطناعي.
خلال شغلي جرّبت أدوات وتقنيات مختلفة، وعملت شخصيات، صور منتجات، حملات ومحتوى بصري لمشاريع ومصالح مختلفة.
في الورشة رح أشارككوا طريقة الشغل العملية اللي بستعملها: من الفكرة الأولى، لاختيار الصور المرجعية، للتعديلات، ولحدّ النتيجة النهائية.
اختاروا الورشة وشوفوا كل تفاصيلها.
التسجيل مفتوح.
سجّلوا عبر واتساب ←الأماكن محدودة · 20.8 و 23.8
لا. الورشة مناسبة للمبتدئين، ورح نمشي بالعملية من الأساس، خطوة خطوة.
لا. الورشة مناسبة لأي حدا بدّه يعمل صور ومحتوى بصري، حتى لو ما عنده خلفية بالتصميم.
آه. رح نشوف أمثلة، نطبّق، ونفهم كيف نوصل للنتيجة بطريقة واضحة ومرتّبة.
هاي الورشة مخصّصة للصور. في ورشة فيديو منفصلة، بنشتغل فيها على الأفكتات، التحكم بالحركة، حذف عناصر من المشهد ومزامنة الشفاه.
عن طريق رسالة للواتساب. اضغطوا على زر التسجيل وبتفتح معكوا المحادثة جاهزة.